“Ajkule” preko Rumunije do polufinala

<!—->

“Ajkule” će se za finale boriti sa Francuskom.

Rumuni su postigli prvi gol na meču, da bi Vujović i Gojković donijeli preokret “ajkulama”. Ipak, Ujedanu i Nemcu su se pobrinuli da Rumuni dobiju uvodnu dionicu 3:2.

Sve do finiša druge četvrtine viđena je igra gol za gol, da bi se tim Dejana Savića serijom 4:1 odvojio na 8:5.

Mačić je na startu drugog poluvremena prvi put donio četiri gola prednosti našoj selekciji 9:5, a onda smo propustili napad s igračem više za plus pet. Kaznio je to Georgesku 10:7, na 2.58 prije kraja trećg kvartala. To je bio i rezultat uoči posljednje dionice, jer obje nisu iskoristile nekoliko napada.

Gojković je na početku 4. četvrtine u napadu s igračim više zatresao mrežu i vratio četiri gola prednosti, a onda je Radović na nešto malo manje od šest minuta prije pogodio za 12:7.

Meč je nakon toga bio praktično gotov, pa je Crna Gora mirno privela meč kraju.