Barsa leti ka 29. tituli – preko Espanjola do plus devet u Jamalovoj noći za pamćenje

<!—->Feran Tores je načeo mrežu gradskog rivala u 9. minutu nakon kornera Lamina Jamala i postigao tek treći gol glavom u karijeri u “ligama petice”.

Isti tandem je bio u centru pažnje i u 25. minutu, jer je 18-godišnji vunderkind sjajno dodao loptu, a omaleni napadač ju je samo blago skrenuo pored istrčalog Marka Dmitrovića sa 2:0.

Toresu je poništen gol za het-trik u 54. minutu zbog milimetarskog ofsajda, da bi u 56. Pol Losano smanjio na 2:1.

Jamal je utakmicu u kojoj je sa 18 godina i 272 dana postao najmlađi igrač sa 100 utakmica u La Ligi (Raul Gonsales bio stariji godinu i 12 dana) krunisao pogotkom za 3:1 u 87. minutu.

Čim se krenulo sa centra, Markus Rašford je postavio konačnih 4:1 nakon asistencije Frenkija de Jonga, koji se vratio na teren poslije mjesec i po pauze zbog povrede zadnje lože.<!—->