DAN 18, MUNDIJAL UŽIVO Mesi kreće sa klupe; Kolumbiji lakši put, pakao za Portugal; DR Kongo potpisao istoriju

Svjetsko prvenstvo u fudbalu – SAD, Meksiko i Kanada 2026.

Poznati su sastavi i za mečeve koji kreću od četiri sata, posljednje u grupnoj fazi.

Glavna vijest je da će najbolji strijelac svih vremena na mundijalima Lionel Mesi krenuti sa klupe u duelu Argentine i Jordana.

These are Jordan and Argentina's standings for the final round of Group J of the World Cup. pic.twitter.com/Zrl70qn64T

Osim meča u Dalasu igra se i u Kanzas Sitiju gdje će za nokaut fazu boriti Austrija i Alžir.

🇩🇿 ALGERIA vs AUSTRIA 🇦🇹

Starting XI's confirmed! ✅ pic.twitter.com/GcgpxL1MyP

Kolumbija nije srušila Portugal (0:0), ali je bila bolji rival i zaslužila je da kao prvoplasirana ide na Ganu u nokaut fazi. Istovremeno poslala je Ronalda i drugove na Hrvatsku, a pobjednik tog duela ide vjerovatno na Španiju.  

Još jedna istorijska stranica ispisana je na Mundijalu – DR Kongo je preokretom nad Uzbekistanom (3:1) prvi put izborio nokaut fazu. 

90+1 – GOOOL! DR Kongo završava posao i piše istoriju. Visa je stavio tačku na meč sa Uzbekistanom (3:1) i odveo je svoju zemlju u nokaut fazu.

90+2 – VAR je poništio gol Davinsona Sančesa zbog ofsajda, iako je utisak da nije bilo nedozvoljene pozicije.

88' – Dvije velike šanse za Kolumbiju u istom minutu – najprije je Dijaš spasao Portugal sa gol linije nakon ubacivanja Munjosa, a onda je Luis Suares iz dobre pozicije šutirao preko gola.

78' – GOOOL! Kongo ima rezultat koji ga prvi put u istoriji vodi u nokaut fazu Mundijala – preokret u Atlanti je kompletirao Fiston Majele.

Ako ovako ostane Koreja se oprašta od Svjetskog prvenstva, a Iran će čekati ishod duela Austrija – Alžir.

68' – GOOOOL! Konačno su se isplatili napadi DR Konga. Napadač Joan Visa je izborio penal, a potom ga i lagano realizovao.

Afrička selekcija nastavlja da se bori za nokaut fazu, a strahuju Iran i Koreja. 

65' – Tu su i nove šanse Kolumbije – Ričard Rios je zamalo pogodio iz prvog kontakta s loptom nakon što je zamijenio Džefersona Lermu.

Nakon toga zaprijetili su i Davinson Sančes i Džon Arijas.

51' – Prvi u drugom poluvremenu prijete Portugalci – Dalot je ubacio, a Feliks iz dobre pozicije slabo šutirao glavom. 

Završena su prva poluvremena u Majamiju i Atlanti. 

U derbiju grupe između Portugala i Kolumbije nema golova, a "kafeterosi" su pokazali mnogo više.

Uzbekistan ide ka prvoj pobjedi na Mundijalu, sjajnim lobom Šomurodova vodi 1:0 protiv DR Konga.

Ukoliko Afrički tim ne slavi, to će otvoriti vrata nokauz faze za Iran i JUžnu Koreju.

39' – Velika šansa za Portugal, iznenada. Pedro Neto je sjajno ubacio, a Vargas je fenomenalno odbranio šut Bruna Fernandeša.

Minut kasnije atraktivno je pokušao i Žoao Feliks, ali je lopta otišla preko gola. 

25' – Do prve pauze za osvježenje Kolumbija je bila mnogo bolji rival u meču sa Portugalom – još jednu šansu propustio je Džon Arijas, ali je Ruben Neveš spasio "selesao".

Na drugom meču ove grupe vođstvo Uzbekistana važno je iz ugla Irana i Koreje koje bi kiks DR Konga ostavio u igri da budu među najboljim trećeplasiranim.

17' – Stigao je Kongo do gola, ali je nakon intervencije iz VAR sobe poništen. Bio je to sjajan pogodak Natanaela Mbukua, ali je upravo u začetku akcije po licu udario jednog od igrača Uzbekistana. 

17' – Nova velika šansa za Kolumbiju, još jednom Kordoba, ali odlična odbrana Košte.

10' – GOOOL! Majstorija Eldora Šomurodova, sjajan lob iskosa za vođstvo Uzbekistana protiv DR Konga. 

Dok se čekaju golovi na utakmica koje su krenule od 1.30 pročitajte izvještaje sa mečeva Hrvatska – Gana i Engleska – Panama.

2' – Zatresla se mreža u Atlanti, ali je Šomurodov bio u ofsajdu, dok je u Majamiju već veliku šansu imala Kolumbija – Kordoba je šutirao iznad gola. 

1' – Krenule su utakmice na Floridi i u Džordžiji.

U derbiju koji se igra u Majamiju, Kolumbija i Portugal "biraju" rivala u nokaut fazi – pobjednik grupe ide na Ganu u Kanzas Sitiju, a drugoplasirani igra sa Hrvatskom u Torontu. 

Poznati su sastavi za utakmice u Majamiju i Atlanti.

Kolumbija: Bargas – S. Arijas, Sančes, Lukumi, Maćado – Dž. Arijas, Lerma, Puerta – Hames Rodriges, Dijas – Kordoba.

Portugal: Košta – Kanselo, Dijaš, Veiga, Mendeš – Ruben Neveš, Vitinja – Neto, Fernandeš, Feliks – Ronaldo.

Gran ambiente en el Hard Rock Stadium de Miami, previo al juego entre las selecciones de Colombia y Portugal, uno de los más atractivos de la fase de grupos del Mundial 2026. https://t.co/if1kX8q65f pic.twitter.com/kqVh5eY5Dn

DR Kongo: Mpas – Van Bisaka, Mbemba, Tuanzebe, Mausaku – Mbuku, Mutusami, Sadiki, Sipenga – Bakambu, Visa.

Uzbekistan: Nematov – Husanov, Uruzov, Ašurmatov – Alizhonov, Mozgovoj, Šukurov, Nasrulajev – Hamdamov, Fajzulajev – Šomurodov.

Počeo je dan koji će do jutra spustiti zavjesu na dio Mundijala 2026. koji se igra po grupama, a u večernjim satima otvoriti nokaut fazu.

Za početak od 1.30 sati u Majamiju će se igrati derbi između Kolumbije i Portugala, okršaj koji će odlučiti ko je pobjednik grupe K. Trenutno "kafeterosi" imaju dva boda više od "selesaoa".

Wow 🇨🇴 🇨🇴 🇨🇴 🇨🇴 🇨🇴#miami #fifa #worldcup pic.twitter.com/di4RW6HJPa

Portugal dominou Miami Beach 🇵🇹#sporttvportugal #MUNDIALnaSPORTTV #MundialFIFA2026 #Portugal pic.twitter.com/vm0wd6cz4e

Istovremeno, DR Kongo će u Atlanti protiv Uzbekistana juriti pobjedu za istoriju i prvi plasman u nokaut fazu. Nije ni tim iz Azije zvanično otpisan, ali bez bodova i gol razlikom minus sedam praktično je jasno da nema šansi da bude među najboljim trećeplasiranima.

Nakon toga od četiri sata kreće i rasplet u grupi J, gdje je Argentina sigurna na prvom mjestu, a za nokaut fazu se bore Austrija i Alžir u direktnom duelu.

Na kraju, od 21 sat igraće se i prvi meč šesnaestine finala – u Los Anđelesu se sastaju Kanada i Južna Afrika.