Politano junak Napolija protiv Milana za 2. mjesto na tabeli

<!—->Ekipa Antonija Kontea do pobjede je stigla u završnici meča, čime je izbila na drugo mjesto sa 65 bodova, dva više od Milana, dok je Inter i dalje prvi sa 72.

U prvom poluvremenu viđena je tvrda i zatvorena utakmica sa malo pravih prilika.

Milan se u nastavku uglavnom oslanjao na čvrstu odbranu i brze kontranapade, dok je Napoli pokušavao da probije defanzivni blok, ali bez uspjeha u realizaciji.

Kada je djelovalo da će meč završiti bez pogodaka, Napoli je stigao do zlata vrijednog gola u 79. minutu. Samo nekoliko minuta nakon ulaska u igru, Mateo Politano je iskoristio dobar centaršut i preciznim udarcem uz desnu stativu savladao golmana gostiju za velika tri boda.<!—->