Roma i dalje sanja Ligu šampiona – Piza nemoćna u Rimu

<!—->Ekipa Đan Pjera Gasperinija opravdala je ulogu favorita protiv posljednjeplasiranog tima na tabeli i bez većih problema stigla do važna tri boda na “Olimpiku”.

Junak večeri bio je Donijel Malen, koji je postigao het-trik i još jednom potvrdio zašto je označen kao jedno od najboljih zimskih pojačanja u Italiji.

Holandski napadač doveo je Romu u vođstvo već u trećem minutu, kada je pobjegao odbrani gostiju i preciznim udarcem savladao golmana. Na drugi pogodak čekalo se do 43. minuta – poslije loše reakcije odbrane Pize, Devajn Renš je oduzeo loptu i proigrao Malena, koji je bez većih problema pogodio praznu mrežu.

Malen je kompletirao het-trik početkom drugog poluvremena, u 52. minutu, kada je nakon dodavanja Matijasa Sulea vješto poslao loptu u mrežu za konačnih 3:0.

Roma je ovom pobjedom stigla do 54 boda i trenutno zauzima šesto mjesto na tabeli, dok je Piza ostala na začelju sa 18 osvojenih bodova.<!—->