Levandovski i Feran donijeli pobjedu u Pamploni – Barsa na korak od titule

Barselona je savladala Osasunu u gostima 2:1 i došla nadomak nove titule u La Ligi. Katalonci sada imaju veliku prednost na vrhu i mogli bi već u narednom kolu i matematički da osiguraju trofej.

Odluka je pala u finišu – u 81. minutu Levandovski je glavom pogodio za 0:1 nakon centaršuta Rašforda, a samo pet minuta kasnije Feran Tores je povisio na 0:2 poslije asistencije Fermina.

Osasuna je uspjela da unese neizvjesnost golom Raula Garsije u 88. minutu, ali promjene rezultata nije bilo, pa je Barselona stigla na korak od šampionske titule.