Minesota napravila brejk u Denveru, Jokić i Marej podbacili u posljednjoj četvrtini

<!—->Denver je odlično otvorio meč i relativno rano stigao i do 19 poena prednosti (43:24), ipak, od tog trenutka je krenuo pad. Nagetsi nisu uspjeli da zadrže nivo, a Minesota je i te kako znala da kazni svaki propust.

Nikola Jokić je zabilježio 24 poena, 15 skokova i osam asistencija za 40 minuta u igri. Šutirao je 8/20 iz igre i 1/7 za tri poena, a imao je i tri prodate lopte.

Džamal Mari je odigrao ponovo fenomenalan meč, ubacivši 30 poena, uz po sedam skokova i asistencija. Braun i Hardavej su dodali po 16 poena.

Kod Minesote Entoni Edvards je uz važnu trojku na kraju meča dodao 30 poena i deset skokova. Rendl je ubacio 24, a Divičenco 16, kao i trojku koja je prelomila meč u posljednjim minutima.

Treća utakmica u seriji igraće se u noći između četvrtka i petka od 3.30 časova, kada će Minesota biti domaćin.