Novi krah Murinja, Benfika prosula 2:0 i ostavila Portu šansu za titulu

Benfika je na gostovanju kod Famalikaa odigrala 2:2, iako je imala 0:2 i djelovalo je da ide ka rutinskoj pobjedi. Ekipa Žozea Murinja povela je u 12. minutu golom Šjelderupa iz penala, a u 19. je Rios povećao na 0:2.

Međutim, u 55. minutu sve se zakomplikovalo kada je Otamendi dobio crveni karton. Domaći su to iskoristili, pa je Amorim u 67. smanjio na 1:2, a Abubakar u 78. pogodio za izjednačenje.

U finišu je Famalikao mogao i do potpunog preokreta, ali je Pineiro u nadoknadi pogodio prečku.

Benfika je tako ostala bez pobjede i dodatno zakomplikovala borbu za titulu, gdje sada Porto ima veće šanse.