Ronaldo se ispromašivao, a kada je izašao iz igre Portugal je stigao do gola i pobjede

Portugalci u generalnoj probi savladali Nigeriju 2:1

Generalna proba za Mundijal je bila uspješna – fudbalska reprezentacija Portugala je večeras savladala Nigeriju 2:1.

Portugalci su do prednosti stigli u 23. minutu, kada je Pedro Neto iskoristo povratno dodavanje Dijega Daloa, da bi Nigerija uzvratila golom Akora Adamsa u 37. minutu.

Konačan rezultat je u 75. minutu postavio Fransisko Konseisao.

A Kristijano Ronaldo nije imao svoje veče. Prvo je u devetom minutu propustio ogromnu šansu, kada je bio sam ispred golmana Nigerije Okojea, ali je šutirao pored gola, zatim je u 34. minutu glavom bio neprecizan, a onda i početkom drugog poluvremena kada je šutirao preko gola. Ronaldo se ispromašivao, pa je zamijenjen u 65. minutu. Deset minuta kasnije njegovi saigrači su došli do gola i pobjede.

Osim Ronalda dobre prilike nisu koristili Bruno Fernandeš i Žoao Feliks, koji je pogodio prečku.

Portugal će na Mundijalu igrati u grupi K sa selekcijama DR Konga, Uzbekistana i Kolumbije.