Bajern i Štutgart u nadoknadi do boda

<!—->Novi-stari prvak Njemačke je okrenut revanš meču Lige šampiona protiv PSŽ-a u srijedu, pa je Vensan Kompani na teren poslao kombinovani tim.

Gosti su golovima Zivzivadzea i Dinkčija nakon pola sata igre vodili 2:0, da bi Gorecka u 44. postigao gol iz slobodnjaka.

Isti igrač je u 57. donio Bavracima izjednačenje, ali je Zivzivadze drugim golom na meču u 76. utišao “Alijanc arenu”.

Bajer je potom silovito napadao, a onda u 10. minutu nadoknade nakon šuta Olisa lopta je pogodila stativu i od golmana Ramaja se odbila u mrežu.

Hajdenhajm tako ostaje na posljednjem mjestu sa 23 boda, tri manje od Sankt Paulija, koji je u zoni baraža.

I duel Hofenhajm – Štutgart završen je identičnim rezultatom kao i onaj u Minhenu.

Domaćin je vodio 2:0 i 3:1, imao je i igrača više u posljednjih 20 minuta (isključen Kazaror), ali “švabe” se nisu predavale, pa je Tomas u petom minutu nadoknade donio bod Štutgartu. Dva tima su na diobi četvrtog mjesta, s tim da “švabe” imaju bolju gol-razliku.

U preostalim mečevima, HSV je iznenadio Frankfurt u gostima (2:1), Augzburg je kao gost bio bolji od Verdera u Bremenu (3:1), dok su Union i Keln remizirali (2:2).

<!—->